Presidentja e Kosovës, Vjosa Osmani, e cila po merr pjesë në Samitin e Komunitetit Politik Evropian që po mbahet në Britani të Madhe, ka takuar presidentin bullgar Rumen Radev.
Osmani e Radev kanë diskutuar për anëtarësimin e Kosovës në KiE, BE, NATO dhe në organizata të tjera ndërkombëtare.
“Gjatë takimit tonë në Mbretërinë e Bashkuar, e falënderova Presidentin bullgar Rumen Radev për mbështetjen e palëkundur të Bullgarisë për të ardhmen euroatlantike të Kosovës.
Diskutuam raportet tona të shkëlqyeshme bilaterale, si dhe rëndësinë e anëtarësimit të Kosovës në KiE, BE, NATO dhe organizata të tjera ndërkombëtare”, ka shkruar Osmani në Facebook./teve1.info/
