Presidentja e Kosovës, Vjosa Osmani ka takuar kryeministrin kroat, Andrej Plenkoviq.
Osmani ka shkruar në “X” se me Plenkoviqin kanë biseduar për zhvillimet e fundit të sigurisë në Kosovë.
Ajo ka thënë se kryeministrin kroat e ka informuar për provat mbi aktin e agresionit të Serbisë.
“Së bashku me kryeministrin e Kroacisë Andrej Plenkoviq kemi diskutuar zhvillimet e fundit të sigurisë në Kosovë. E informova për provat mbi aktin e agresionit të Serbisë”, ka shkruar ajo.
Osmani ka thënë po ashtu se Kosova e vlerëson mbështetjen e qëndrueshme të Kroacisë.
“Ne e vlerësojmë mbështetjen e qëndrueshme të 🇭🇷 për vendin tonë dhe për paqen dhe prosperitetin në të gjithë rajonin”, përfundoi ajo.
