Presidentja e shtetit, Vjosa Osmani ka takuar sot në Prishtinë ministren e Punëve të Jashtme të Finlandës, Elina Valtonen.
Osmani në një postim në Facebook ka thënë se Kosova dhe Finlanda do të vazhdojnë angazhimin për forcimin e raporteve tona ndërshtetërore, shkruan teve1.info
“Në mbrojtjen e vlerave evropiane, Kosova dhe Finlanda janë partnere të palëkundura! Në takim me ministren e Jashtme të Finlandës, Elina Valtonen, e falënderova për mbështetjen e shtetit të saj për Kosovën në çdo etapë, përfshirë procesin e shtetformimit, shtetndërtimit dhe anëtarësimit në organizata ndërkombëtare. Do të vazhdojmë angazhimin për forcimin e raporteve tona ndërshtetërore”, ka thënë Osmani.
