Presidentja e Kosovës, Vjosa Osmani ka pritur sot në takim menaxheren e re të zyrës së Bankës Botërore për Kosovë, Carole Megevand.
Me këtë rast, Osmani e uroi Megevand për rolin e saj të ri, duke i uruar sukses përgjatë mandatit të saj.
“Presidentja Osmani shprehu mirënjohje për kontributin e Bankës Botërore të dhënë për Republikën e Kosovës ndër vite, kontribut i cili përpos që mbështeti zhvillimin e qëndrueshëm ekonomik në vend, nëpërmjet investimeve në kapitalin njerëzor, ndihmoi edhe në përmirësimin e mirëqenies së përgjithshme të qytetarëve”, thuhet në njoftimin e Presidencës./teve1.info/
