Përmes një postimi në Facebook, Osmani ka thënë se ka falëndëruar të dy kongresistët për angazhimin e jashtëzakonshëm në përkrahje të Kosovës.
“Falënderova kongresistët Ritchie Torres dhe Jim Himes, të dy bashkudhëheqës të Grupit për çështje shqiptare në Kongres, për angazhimin e jashtëzakonshëm në përkrahje të Kosovës. Populli i Kosovës është thellësisht mirënjohës për të gjitha iniciativat që kanë për qëllim mbështetjen e shtetit tonë, përfshirë iniciativën për të përkrahur anëtarësimin e Kosovës në NATO, si dhe organizata të tjera ndërkombëtare”, ka shkruar ajo.
Osmani thotë se do të vazhdojnë bashkëpunimin me dy kongresistët drejt avancimit të mëtutjeshëm të marrëdhënieve me SHBA-në.
“Do ta vazhdojmë bashkëpunimin e afërt me kongresistët Torres e Himes, si dhe anëtarë të tjerë të Kongresit drejt avancimit të mëtutjeshëm të marrëdhënieve speciale me SHBA-të”, tha ajo. /teve1.info/
