Presidentja e Kosovës, Vjosa Osmani ka pritur sot në takim të ngarkuarën me punë të ShBA-së në Kosovë, Anu Pratipati.
Gjatë këtij takimi, të dy palët kanë diskutuar për zhvillimet e fundit në vend, rëndësinë e funksionalizimit të të gjitha institucioneve të Kosovës, si dhe u potencua rëndësia e respektimit të masës së përkohshme të Gjykatës Kushtetuese dhe pritjes së aktgjykimit final.
Ndërkohë, në 24-vjetorin e sulmeve terroriste të 11 shtatorit 2001 në SHBA, Osmani theksoi se Kosova qëndron krah për krah me popullin amerikan, sot, nesër dhe gjithmonë, në mbrojtje të paqes dhe një të ardhmeje më të mirë për brezat që vijnë./teve1.info/
