Presidentja e Kosovës, Vjosa Osmani, është takuar sot me ambasadorin e Shteteve të Bashkuara, Jeffrey Hovenier.
Gjatë këtij takimi Osmani dhe Hovenier kanë diskutuar për zhvillimet e fundit në vend.
Presidenca e Republikës së Kosovës thotë se ky takim u realizua në prag të vizitës së Osmanit në Shtetet e Bashkuara të Amerikës.
“Ky takim u realizua po ashtu në prag të vizitës së Presidentës Osmani në Shtetet e Bashkuara të Amerikës, më ç’rast do të marrë pjesë në javën e nivelit të lartë të Asamblesë së Përgjithshme te Kombeve te Bashkuara ne New York”, thuhet në njoftim.
Tutje, është bërë e ditur se gjatë takimit është biseduar edhe për marrëveshjen e grantit që do të nënshkruhet nesër në ShBA.
“Presidentja Osmani dhe Amabasadori Hovenier diskutuan po ashtu për marrëveshjen e grantit që do të nënshkruhet nesër me Shtetet e Bashkuara të Amerikës si dhe rëndësinë e vazhdimit të projekteve të përbashkëta”, është thënë në njoftim./teve1.info/
