Presidentja e Kosovës, Vjosa Osmani ka zhvilluar një takim me ambasadoren e e SHBA-së në Kombet e Bashkuara, njëkohësisht anëtaren e kabinetit të presidentit Biden, Linda Thomas Greenfield.
Osmani tha se gjatë takimit me ambasadoren diskutuan për situatën e sigurisë në rajon dhe mbështetjen amerikane për avancimin e Kosovës në arenën ndërkombëtare.
“Linda Thomas Greenfield, Ambasadorja e SHBA-së në Kombet e Bashkuara, njëkohësisht anëtare e kabinetit të Presidenti Biden, është një personalitet i jashtëzakonshëm me vlerësim dhe përkushtim të lartë për avancimin e vazhdueshëm të raporteve Kosovë-SHBA.
Sot, në kuadër të Samitit SHBA-Afrikë, në takim me të diskutuam për situatën e sigurisë në rajonin tonë si dhe për mbështetjen amerikane për avancimin e Kosovës në arenën ndërkombëtare.”, ka shkruar Osmani./teve1.info./
