Presidentja e Kosovës, Vjosa Osmani gjatë qëndrimit në Mynih ku po merr pjesë në Konferencën e Sigurisë të dielën ka takuar delegacionin e senatorëve amerikan.
Osmani ka thënë se pa mbështetjen e vazhdueshme të Senatit Amerikan transformimi i Kosovës në një eksportuese të paqes dhe stabilitetit nuk do të ishte i mundur.
Ajo ka shtuar se Kosova mbetet e përkushtuar për të thelluar edhe më tej këtë aleancë.
“Nga një vend që në vitin 1999 mori mbështetjen e tyre për liri e paqe, në një eksportuese të paqes dhe stabilitetit sot. Ky transformim nuk do të ishte i mundur pa mbështetjen e vazhdueshme të Senatit Amerikan. Kënaqësi e veçantë të takoja delegacionin e senatorëve amerikan gjatë qëndrimit në Mynih. Sot, Kosova mbetet e përkushtuar për të thelluar edhe më tej këtë aleancë, duke ndërtuar mbi sukseset e përbashkëta dhe duke ecur përpara drejt sukseseve të reja”, ka shkruar ajo në Facebook./teve1.info/
