Përmes njoftimit, Presidenca bëri të ditur se Osmani i ka përcjellur urimet më të mira presidentit Chaves në marrjen e përgjegjësive së detyrës së tij të re.
“Presidentja Osmani i ka përcjellur urimet më të mira Presidentit Chaves në marrjen e përgjegjësive së detyrës së tij të re, udhëheqjes së popullit dashamirë e paqedashës të Kosta Rikës drejt një të ardhmeje të begatë e të sigurt”, thuhet ndër tjerash në njoftim.
Tutje, bëhet e ditur se dy liderët janë pajtuar që marrëdhëniet mes dy vendeve të thellohen, përfshirë bashkëpunimin në politikën e jashtme dhe rritjen e shkëmbimeve ekonomike e tregtare.
“Presidentja Osmani dhe Presidenti Chaves janë pajtuar që marrëdhëniet bilaterale në mes të dy vendeve tona të thellohen, duke përfshirë bashkëpunimin në politikën e jashtme dhe rritjen e shkëmbimeve ekonomike dhe tregtare. Presidentja Osmani njoftoi Presidentin Chaves për progresin e Kosovës në fusha të ndryshme si dhe për përgatitjet për aplikim më organizata ndërkombëtare”, thuhet ndër tjerash në njoftim.
Po ashtu, presidentja kosovare ka falënderuar Kosta Rikën pasi që ishte ndër shtetet e para që njohën pavarësinë e Kosovën.
