Presidentja e Kosovës, Vjosa Osmani të martën ka zhvilluar një takim me Këshillin e Atlantikut të Veriut ku është diskutuar rreth zhvillimeve në Kosovë e rajon.
Osmani ka thënë se në këtë takim ka riafirmuar përkushtimin e Kosovës ndaj vlerave euroatlantike dhe bashkëpunimit me NATO-n.
“Forcat e NATO-s kanë rol të rëndësishëm për sigurinë jo vetëm në Kosovë, por në të gjithë rajonin tonë, prandaj si partnere serioze e kredibile, Kosova do të vazhdojë të kontribuojë për paqen e stabilitetin afatgjatë”, ka shkruar ajo në Facebook./teve1.info/
