Gjatë qëndrimit në Mal të Zi, presidentja e vendit, Vjosa Osmani ka zhvilluar një takim edhe me emisarin e SHBA-së për Ballkanin Perëndimor, Gabriel Escobar.
Sipas njoftimit të Presidencës, në takim është diskutuar për zhvillimet e fundit në Kosovë e rajon, me fokus të veçantë për zbatimin e marrëveshjeve me Serbinë të arritura në Bruksel dhe Ohër, përcjell teve1.info
“Presidentja Osmani ka theksuar se Kosova përbën palë konstruktive dhe ka potencuar se zbatimi i marrëveshjeve duhet të jetë i plotë, ndërkohë që duhen parandaluar përpjekjet e Serbisë për ta minuar zbatimin e tyre. Në këtë kontekst, Presidentja Osmani ka theksuar se Republika e Kosovës është pajtuar me zbatimin e marrëveshjeve të arritura në Bruksel dhe Ohër, si tërësi dhe pa parakushte të cilat synojnë përqendrimin vetëm në një nen apo në një pjesë të marrëveshjes”, bëhet e ditur në njoftim.
Presidentja Osmani po qëndron në Mal të Zi, me ç’rast ka marrë pjesë në ceremoninë e inaugurimit të homologut të saj malazez, Jakov Milatoviq. /Teve1.info/