Përmes komunikatës, Presidenca njoftoi se gjatë takimit është diskutuar për të drejtat e shqiptarëve në Preshevë, Bujanoc dhe Medvegjë.
Sipas njoftimit, temë kryesore ishte ndërmarrja e hapave në adresimin e problemeve që po përballen qytetarët shqiptarë në Luginë.
“Temë kryesore e takimit ishte ndërmarrja e hapave të mëtejmë në adresimin e problemeve me të cilat po përballen qytetarët shqiptarë të Preshevës, Bujanocit dhe Medvegjës. Presidentja Osmani ka ritheksuar përkushtimin e saj në promovimin e të drejtave të shqiptarëve të Luginës së Preshevës”, thuhet ndër tjerash në njoftim.
Po ashtu, ata kanë folur është për anëtarësimin e Kosovës në Këshillin e Evropës si një hap të rëndësishëm në garantimi ne plotë të të drejtave të njeriut për gjithë qytetarët.
“Tutje, Presidentja Osmani ka uruar Institucionin e Avokatit të Popullit për anëtarësimin në Rrjetin Evropian të Ombudspersonëve për Fëmijët, duke e vlerësuar si mekanizëm të rëndësishëm për promovimin dhe mbrojtjen e të drejtave të fëmijëve”, ka njoftuar Presidenca./teve1.info/
