Presidentja, Vjosa Osmani ka njoftuar sot për mbështetjen prej 6.5 euro ndihmë nga Bashkimi Evropian për sundimin e Ligjit.
Osmani pas takimit me komisionerin për Zgjerim të Bashkimit Evropian, Oliver Varhleyi tha se sundimi i ligjit nuk është prioritet vetëm në letër për institucionet e Kosovës, por prioritet është për të gjithë qytetarët dhe për atë si presidente, raporton teve1.info
“Meqë sot do t’i bashkoheni institucioneve tona për ta filluar edhe zyrtarisht programin për çështje të brendshme BE-Kosovë ju shpreh mirënjohjen tonë Bashkimit Evropian për përpjekjet në këtë drejtim dhe mbështetjen prej 6.5 milionë euro shtesë në mbështetje të përpjekjeve tona për sundim të ligjit”, deklaroi Osmani.
Osmani theksoi se Kosova do të vazhdoj të qëndrojë krah aleatëve në Evropë e më gjerë, dhe se siç tha ajo “në këtë frymë edhe aplikimi i Kosovës për anëtarësim në BE është një rikonfirmim i këtij angazhimi dhe i punës tonë të çdoditshme, mbi të gjitha është rikonfirmim i orientimit euroatlantik”.
“Në këtë frymë edhe aplikimi i Kosovës për anëtarësim në BE është një rikonfirmim i këtij angazhimi dhe i punës tonë të çdoditshme, mbi të gjitha është rikonfirmim i orientimit euroatlantik. Këtë angazhim Kosova po e vërteton vazhdimisht, jo vetëm me fjalë por me rezultate konkrete. Kosova do të vazhdoj të qëndroj përkrah aleatëve në Evropë e më gjerë, për të bërë çmos që të vazhdojmë përpjeket tona të përbashkëta për ta mbrojtur demokracinë lirinë dhe vlerat qe na bashkojnë”, tha Osmani./teve1.info
