Kandidati i LDK-së për kryetar të Fushë-Kosovës, Besnik Osmani ka shpalosur programin e tij gjatë mandatit të tij për kryetar komune.
Prioritet i Osmanit gjatë mandatit të tij për qytetin e Fushë-Kosovës është infrastruktura moderne dhe mirëmbajtja e ambientit.
“Komuna e Fushë-Kosovës përveç që është porta e kryeqytetit, në të njëjtën kohë është selia e stacioni kryesor hekurudhor që duhet të rritet në të ardhmen, jemi në pozitën kur kemi dy nyje kryesore të autostradave për perëndim dhe jug. Do të siguroj infrastrukturë mbështetëse për gjithë, aktivitet të turizmit. Ajo që kemi nevojë të krijojmë në qytetin e Fushë-Kosovës është që të krijojmë dy kanale të reja të komunikimit në kuptim të rrugëve me kryeqytetin. Do të punojmë shumë nën ndërtimin e parkingjeve nëntokësore, qyteti i Fushë-Kosovës do të jetë ndër qytetet më të pastra në Kosovë”, ka deklaruar Osmani në emisionin “Mesditë” në Tëvë1./teve1.info/
