Presidentja e Kosovës, Vjosa Osmani ka njoftuar se në kuadër të Forumit Diplomatik në Antalya, përpos takimeve me homologë, ka zhvilluar takime të ndara edhe me ministrat e Jashtëm të Sudanit, Kenias, Jordanisë, të Tanzanisë, të Çadit, dhe të Nigerit.
Ajo ka thënë se të gjitha këto takime ishin të përqendruara në diskutimin e potencialit për thellim të bashkëpunimit në dobi të shteteve dhe qytetarëve.
“Në veçanti, u diskutua hapja e kapitujve të rinj të bashkëpunimit në fusha strategjike, si dhe rëndësia e përdorimit të diplomacisë në shërbim të ndërtimit të raporteve të mirëfillta e alencave të reja”, ka shkruar ajo në Facebook.
Osmani ka shtuar se Kosova mbetet e përkushtuar ndaj një politike të jashtme aktive në shërbim të qytetarëve./teve1.info/
