E pyetur në një konferencë për medie, Osmani tha se 90 për qind e serbëve të Kosovës i kanë marrë targat RKS derisa shtoi se është një grup i vogël që po kërcënohet nga bandat serbe të përkrahur dhe paguara nga Vuçiqi, që mos ta bëjnë një gjë të tillë.
“Mbi 90 për qind të serbëve që jetojnë në Kosovë i kanë targat RKS, e respektojnë ligjin. Ekziston një grup i vogël i serbëve që nuk e kanë bërë këtë ndryshim dhe kjo sepse ata kërcënohen nga banda kriminale të paguara nga Aleksandër Vuçiq dhe tani shtyrja nënkupton që po tolerohen këto banda kriminale në raport me serbët”, tha Osmani.
Sipas saj, kjo është çështje që ka të bëjë me mbrojtjen e serbëve nga këto banda kriminale dhe assesi kudnër tyre.
Sepse ka raste kur serbët e veriut kërcënohen vetëm pse e respektojnë ligjin. Po flasim për targa në kohën e Millosheviqit të cilat nuk kanë qenë të ligjshme as në kohën e UNMIK-ut. Andaj bëjë thirrje që të gjithë serbët e Kosovës mos të bien pre e këtyre shantazheve por ta respektojnë ligjin dhe t’i ndërrojnë targat. Kjo është çështje e sundimit të ligjit”, tha Osmani.
