Një tërmet i rëndë ka ndodhur në Mianmar, ku aktualisht numri i të vdekurve ka shkuar në 1.644 ndërkohë që 3,408 persona kanë mbetur të lënduar dhe 139 të tjerë janë ende të zhdukur, sipas autoriteteve ushtarake të vendit.
Lidhur me këtë tërmet, ka reaguar edhe e para e vendit, Vjosa Osmani, ku ka shprehur ngushëllimet dhe solidarizim me popujt e Tajlandës dhe Mianmarit pas katastrofës natyrore.
“Republika e Kosovës është me popullin e Tajlandës dhe Mianmarit në këto momente të vështira. Shprehim ngushëllimet tona më të thella për të gjitha familjet e viktimave dhe për të gjithë ata që janë prekur nga ky tërmet i tmerrshëm. Urojmë që ata të gjejnë forcën dhe qëndrueshmërinë për të përballuar një humbje kaq të madhe”, ka shkruar Osmani në një postim në rrjetin social ‘X’.
