Presidentja e Kosovës, Vjosa Osmani ka reaguar pas sulmeve vdekjeprurëse të ndodhura në Tumbler Ridge të Kanadasë, duke u shprehur ngushëllime familjeve.
E para e vendit përmes një postimi në platformën “X” ka thënë se asnjë prind, fëmijë dhe komunitet nuk duhet ta përjetojë asnjëherë një tragjedi të tillë.
Ajo ka thënë se Kosova qëndron në këtë kohë të vështirë e pikëllimi me Kanadanë.
“Sot, zemrat tona kthehen nga Tumbler Ridge, Kanada. Asnjë prind, asnjë fëmijë, asnjë komunitet nuk duhet ta përjetojë kurrë një tragjedi të tillë. Ne vajtojmë me popullin e Kanadasë dhe u shprehim ngushëllimet tona më të thella familjeve që përballen me këtë humbje të paimagjinueshme. Gjithashtu, mendojmë për ata që u plagosën. Kosova qëndron fort me Kanadanë në këtë kohë pikëllimi”, ka shkruar presidentja.
Të paktën nëntë persona janë vrarë dhe 25 të tjerë janë plagosur nga dy sulme të lidhura me njëra-tjetrën që kanë ndodhur në një shkollë dhe në një shtëpi në Kanadanë perëndimore./teve1.info/
