Presidentja e Kosovës, Vjosa Osmani, gjatë pjesëmarrjes në Berlin Global Dialogue, u takua me ministrin e Ekonomisë dhe Planifikimit të Arabisë Saudite, Faisal bin Fadhil Alibrahim.
Në këtë takim, Osmani falënderoi Arabinë Saudite për mbështetjen e dhënë Kosovës ndër vite dhe nënvizoi rëndësinë e hapjes së kapitujve të rinj të bashkëpunimit ekonomik mes dy vendeve.
Presidentja gjithashtu diskutoi për Future Investment Initiative në Riad, duke theksuar mundësitë që kjo platformë ofron për tërheqjen e investimeve të reja dhe forcimin e lidhjeve të Kosovës me tregjet globale.
