Presidentja e Kosovës, Vjosa Osmani ka pritur sot në takim të dërguarin e posaçëm të Mbretërisë së Bashkuar për Ballkanin Perëndimor, Lordin Stuart Peach.
Sipas njoftimit të presidencës, në këtë takim është diskutuar për anëtarësimin e Kosovës në KiE, zhvillimet e fundit në vend dhe rajon, si dhe mbi sfidat e sigurisë në rajon dhe përtej.
Derisa, presidentja ka theksuar se anëtarësimi i Kosovës në Këshillin e Evropës, do të ishte triumf për demokracinë dhe për të drejtat e njeriut siç tha ajo, jo vetëm në Kosovë, por edhe në Evropë.
“Në temën e Këshillit të Evropës, Presidentja Osmani theksoi se anëtarësimi i Kosovës do të ishte triumf për demokracinë dhe për të drejtat e njeriut jo vetëm në Kosovë, por në mbarë Evropën. Tutje, Presidentja Osmani ritheksoi se përmes mekanizmave të ndryshëm që i ofron Këshilli do të mundësohej mbrojtja dhe garantimi i të drejtave të të gjithë qytetarëve të Kosovës, pa dallim”, thuhet në njoftim.
Ndryshe, Osmani ka shprehur mirënjohje dhe ka ritheksuar rëndësinë e mbështetjes së vazhdueshme të Mbretërisë së Bashkuar në këtë drejtim./teve1.info/
