Presidentja, Vjosa Osmani në Ditën Ndërkombëtare të Personave me Nevoja të Veçanta, ka rikujtuar rëndësinë e angazhimit që të gjithë të kenë mundësi për një jetë me dinjitet dhe të barabartë.
Ajo në një mesazh në Facebook me rastin e shënimit të kësaj dite, ka kërkuar mundësi të barabarta, më shumë përfaqësim, fuqizim dhe besim të plotë te personat me nevoja të veçanta.
“Mundësi të barabarta, më shumë përfaqësim, fuqizim dhe besim të plotë tek personat me nevoja të veçanta – kjo e bën botën më të mirë, shoqërinë tonë më prosperuese dhe të ardhmen më premtuese. Në Ditën Ndërkombëtare të Personave me Nevoja të Veçanta, rikujtojmë rëndësinë e angazhimit tonë që të gjithë të kenë mundësi për një jetë të dinjitetshme dhe të barabartë”, ka shkruar ajo.
Asambleja e Kombeve të Bashkuara, në vitin 1992 shpalli 3 dhjetorin Ditë Ndërkombëtare të Personave me Aftësi të Kufizuara, me qëllim të promovimit të të kuptuarit të çështjeve mbi aftësinë e kufizuar dhe të mobilizimit në përkrahjen për dinjitet, të drejta dhe mirëqene të personave me aftësi të kufizuar.
Maliqi: Personat me aftësi të kufizuara janë kategoria më e margjinalizuar në vend
