Presidentja e vendit, Vjosa Osmani, ka përshëndetur presidentin amerikan, Donald Trump gjatë pjesëmarrjes në ceremoninë e varrimit të Papa Françeskut.
Osmani tha se Shtetet e Bashkuara janë aleati më i palëkunduri dhe me i rëndësishëm i Kosovës.
“Është gjithmonë kënaqësi ta takosh presidentin Donald Trump dhe t’ia përcjellësh dashurinë dhe mirënjohjen e thellë të popullit të Kosovës për Amerikën. Jemi të përkushtuar ta bëjmë aleancën tonë më të fortë se kurrë më parë”, shkroi Osmani në X.
Më tej, e para e shtetit tha se pati kënaqësinë që t’i urojë Zonjës së Parë të ShBA-së, Melania Trump, ditëlindjen “dhe ta përgëzoj për punën e shkëlqyer.
