Presidentja e Kosovës, Vjosa Osmani ka kujtuar 3 dhe 4 shkurtin e vitit 2000 në Mitrovicë, ku nga bandat kriminale serbe u vranë 10 civilë, 25 u plagosën, ndërkaq 1564 familje me 11364 anëtarë u dëbuan nga shtëpitë e tyre.
Osmani ka kujtuar edhe 25 personat e plagosur, të cilët mbijetuan dhe jetojnë ende me plagë fizike dhe emocionale.
Sipas njoftimit të Presidencës në Facebook, ajo ka thënë se 11.364 anëtarë të familjeve janë dëshmi e tendencës për spastrim etnik të Mitrovicës nga grupet kriminale.
Tutje ajo ka thënë se ngjarjet e atyre netëve shërbjenë si një kujtesë e trishtë e përpjekjes për mbijetesë dhe për ta mbrojtur lirinë e arritur me gjak e sakrificë.
Po ashtu presidentja ka shkruar se vënia e autorëve para drejtësisë është domosdoshmëri në funksion të paqes afatgjate./teve1.info/
