Presidentja e Republikës së Kosovës, Vjosa Osmani, ka kujtuar sot Betejën e Loxhës në 27-vjetorin e saj, duke e cilësuar atë si një nga përballjet më të lavdishme të luftës për liri dhe si simbol të rezistencës kombëtare.
Në mesazhin e saj përkujtimor, Presidentja theksoi se Loxha ishte më shumë se një fushëbetejë – ajo ishte një thirrje për bashkim dhe përkushtim të palëkundur ndaj lirisë, në një kohë kur Kosova përballej me represion dhe dhunë.
“Përballë një armiku të pamëshirshëm, luftëtarët e UÇK-së dëshmuan se vullneti për liri është më i fortë se çdo makineri lufte”, u shpreh Osmani.
Ajo shtoi se sot, si shtet i lirë dhe demokratik, Kosova ka detyrë të përkujtojë të rënët dhe të mbrojë vlerat për të cilat ata u flijuan. “Liria është amaneti i tyre”, theksoi Presidentja.
Në fund të deklaratës, Presidentja Osmani i përuli me nderim dëshmorëve të Betejës së Loxhës dhe të gjithë dëshmorëve të Ushtrisë Çlirimtare të Kosovës, duke u uruar atyre lavdi të përjetshme.
