Presidentja e Kosovë, Vjosa Osmani, ka uruar deputetët e Kuvendit për miratimin e pesë marrëveshjeve ndërkombëtare, që pritet të sjellin rreth 1.1 miliard euro investime dhe grante për vendin.
Përmes një postimi në rrjetin social Facebook, Osmani ka theksuar se këto marrëveshje ofrojnë mundësi të reja për të rinjtë, mbështetje për familjet, investime për bizneset, si dhe përmirësim të shëndetësisë, arsimit, sundimit të ligjit dhe zhvillimit të përgjithshëm të vendit.
“Investimet e miratuara sot do të ndikojnë drejtpërdrejt në jetën e përditshme të qytetarëve tanë. Kur veprojmë bashkë, Kosova fiton gjithmonë. Sot, Kosova ka fituar”, shkroi Osmani në postimin e saj.
