Presidentja e Kosovës, Vjosa Osmani me ftesë të kryeministrit të Kroacisë, Andrej Plenkovicsot përfaqëson Kosovën në Samitin Ukrainë-Evropë Juglindore në Dubrovnik.
Sipas njoftimit të presidencës, në këtë samit, Osmani do të pritet nga kryeministri kroat Plenković dhe presidenti i Ukrainës, Volodymyr Zelensky, teksa do t’u bashkohet liderëve të tjerë nga Evropa Juglindore në seancën plenare.
Tutje, gjatë këtij samiti, pritet të riafirmohet mbështetja e palëkundur për integritetin territorial dhe sovranitetin e Ukrainës, rëndësia e sanksioneve kundër Rusisë, bashkëpunimi me BE-në dhe mbështetja e vendeve të Evropës Juglindore për Ukrainën.
Ndryshe, përveç pjesëmarrjes në seancën plenare ku presidentja do të mbajë një fjalim, ajo do të zhvillojë takime edhe me homologët e saj./teve1.info/
