Presidentja e Kosovës, Vjosa Osmani ka reaguar pasi një grua ka vdekur në QKUK si pasojë e lëndimeve të rënda pasi u rrah nga bashkëshorti i saj në Graçanicë.
Osmani përmes një postimi në Facebook, ka thënë se mizori të tilla nuk duhet të tolerohen, teksa theksi se ky akt mizor nuk është një incident i izoluar, por një veprim shqetësues i dhunës ndaj grave që kërkon veprim të menjhershëm dhe vendimtar, shkruan teve1.info
“Një grua më pak, një vrasës më shumë! E tmerruar dhe e indinjuar nga vrasja brutale e gruas M.Zh. nga duart e bashkëshortit të saj në Gushtericë të Poshtme në komunën e Graçanicës. Mizori të tilla që po vazhdojnë të atakojnë shoqërinë tonë nuk duhet të tolerohen. Ky akt mizor nuk është një incident i izoluar, por një veprim shqetësues i dhunës ndaj grave që kërkon veprim të menjëhershëm dhe vendimtar”, ka shkruar Osmani.
Tutje, Osmani ka thënë se institucionet e drejtësisë duhet të sigurohen që nëpërmjet zbatimit të sakt të ligjeve dhe udhëzuesve të denimeve t’i japin fund femicidit.
“Institucionet e drejtësisë duhet të sigurohen që nëpërmjet zbatimit të saktë të ligjeve dhe udhëzuesve të denimeve t`i japin fund femicidit. Fatkeqësisht, shohim tepër shpesh raste kur dhunuesit lirohen me denime shumë më të ulëta sesa ato që parashihen me ligj. I shpreh ngushëllime të thella familjes së viktimës dhe jemi përkrah të gjithë atyre që kanë humbur familjaret e tyre për shkak të femicidit”, ka shkruar Osmani.
“Të gjithë duhet të jemi një, derisa asnjë grua të mos ketë frikë për jetën e saj”, përfundoi ajo.