Presidentja e Kosovës, Vjosa Osmani ka vizituar të enjten Kullën e Konferencës së Bujanit.
Osmani ka kujtuar para 81 vite më parë delegatët e mbledhur në Malësinë e Gjakovës ku sipas saj kanë kërkuar me ngulm të drejtën e popullit të Kosovës për vetëvendosje.
Po ashtu, ajo ka thënë se aty pranë ndodhet Kulla e Mic Sokolit dhe të dyja së bashku janë simbole të gjurmëve historike të qëndresës së pathyeshme të popullit shqiptar.
“Dje, gjatë një vizite në Kullën e Konferencës së Bujanit, aty ku pikërisht 81 vite më parë delegatët e mbledhur në Malësinë e Gjakovës kërkuan me ngulm të drejtën e popullit të Kosovës për vetëvendosje. Aty pranë ndodhet edhe Kulla e Mic Sokolit, dhe të dyja së bashku janë simbole të gjurmëve historike të qëndresës së pathyeshme të popullit shqiptar”, ka shkruar e para e vendit./teve1.info/
