Këto deklarata ajo i ka bërë gjatë fjalës së saj ku po zhvillojnë takim së bashku me kryeministrin, Albin Kurti me sekretarin amerikan të shtetit, Antony Blinken.
“Partneriteti me SHBA-të nuk është vetëm i domosdoshëm, por ka qenë fakt gjatë gjithë historisë sonë, ka qenë ekzistencial për të arritur lirinë tonë, vazhdoi të jetë ekzistencial, për arritjen e pavarësinë dhe mbetet i tillë edhe sot e kësaj dite derisa jemi shndërruar në demokraci”, tha Osmani.
Tutje, ajo u shpreh se Kosova është shembulli se çka mund të arrijë bota demokratike e udhëhequr nga SHBA-ja.
“Kosova është demokraci në zhvillim dhje kjo tregon se çka mund të arrijë bota demokratike e udhëhequr nga SHBA-ja, kur përballet me tiranitë dhe sigurohet që liria mbizotëron mbi tiranit”, theksoi ajo.
Po ashtu, ajo shtoi se garanton që Kosova qëndron së bashku me popullin e Ukrainës kundër agresionit rus dhe se ka bërë thirrje ndaj shteteve të rajonit të vendosin sanksione ndaj Rusisë.
“Dëshiroj të ju sigurojë që populli i Kosovës qëndron me Ukrainën siç e kemi treguar duke miratuar sanksione në ditën e njëjtë që kanë miratuar SHBA dhe BE-ja dhe kemi bërë thirrje nga të gjitha shtetet në rajon ta bëjnë të njëjtën. Vladimir Putini do të përpiqet të destabilizojë rajonin. Do të vazhdojmë të jemi partner i palëkundur i SHBA-së dhe Evropës që të sigurohemi që planet e Rusisë të ndalen”, ka thënë ajo./teve1.info/
