E para mbërriti presidentja e vendit, Vjosa Osmani Sadriu.
Afër saj janë edhe krerë të institucioneve të Sigurisë.
Të martën u mbajt forumi “ Nga Rezoluta në Veprim, 25 vjet që gratë transformojnë Paqen dhe Sigurinë” për çka e para e vendit tha se Kosova është shndërruar në sinonim për Gratë Paqen dhe Sigurinë.
“ Kosova ka dëshmuar përgjatë viteve se mund të jap shumë në këtë fushë. Pavarësisht periudhave të vështira dhe të errëta që përjetoi populli ynë gjatë luftës, ne arritëm që të ringrihemi dhe të ndërtojmë lirinë falë forcës, guximit të grave dhe burrave tanë. Republika e Kosovës është shëndrruar në sinonim të agjendës për Gratë Paqen dhe Sigurinë, si pjesë e angazhimit të vazhdueshëm tonë shtetërorë”, tha Osmani.
Kurse Shefi i EULEX-it në Kosovë, Giovani Pietro Berbano theksoi se oficeret gra me grada të larta në institucionet e Sigurisë, po sjellin besim dhe llogaridhënie në komunitet.
“Oficeret femra sjellin, perspektiva unike që nxisin besimin dhe llogaridhënien në komunitete veçanërisht, për të mbijetuarat me bazë gjinore. Në institucionet korrektuese lidershipi i grave promovon rehabilitimin dhe ruan dinjitetin duke sqaruar që sistemet e Drejtësisë të marrin në konsideratë nevojat e ndryshme të të gjithë burgosurve për të mbështetur në mënyrë më efektive riintegrimin dhe rehabilitimin e tyre”, tha ai.
Drejtori i Policisë së Kosovës, Gazmend Hoxha deklaroi se aktualisht në Policinë e Kosovës janë 15.18% gra.
“Duke filluar me 36 gra të policeve në gjeneratën e parë në vitin 1999, dhe vazhduar deri më sot, me 1503, gra dhe femra brenda Policisë, apo 15.18% gra në Policinë e Kosovës, Policia e Kosovës ka rrugëtuar pothuajse paralelisht me rezolutën 1325 ku për një çerek shekulli, Policia e Kosovës ka zhvilluar zhvillime të rëndësishme duke u fokusuar në profesionalizëm stabilitet dhe besueshmëri ndaj qytetarëve”, tha Hoxha.
Edhe në Shërbimin Korrektues të Kosovës, në dhjetëra departamente udhëheqëse, janë gratë.
“Në vazhdimësi i kemi bërë thirrje gruas që të marrë drejtimin e këtij institucioni e kemi gjetur këtë institucione me zero pozita drejtuese jam i lumtur që sot në Shërbimin Korrektues të Kosovës kemi me dhjetëra gra që udhëheqin edhe departamente edhe burgje por edhe në nivele të ulëta drejtuese kemi me dhjetëra të tilla.” , tha drejtori Ismajl Dibrani.
Nga ky forum u kërkuar që gratë dhe vajzat, të kenë hapësira më të mëdha menaxheriale në institucionet e vendit.
