Numri i pjesëtarëve serbë që kanë dhënë dorëheqje nga Policia e Kosovës ka shkuar në shtatë. Kështu ka bërë të ditur presidentja Vjosa Osmani.
Sipas saj, këto informata janë të konfirmuara, përcjell teve1.info
“Sipas informatave të deritanishme, deri para një ore, kur ishte momenti i fundit kur u informova nga institucionet e sigurisë, numri i dorëhejes ka arritur në shtatë. Ka tashmë informata të konfirmuara. Sipas hetimeve të insitucioneve tona përgjatë këtyre javëve, që rrezikimi i këtyre pjesëtarëve, frikësimi i tyre, shantazhimi, kërcënimet në raport me ta, vijnë drejtpërdrejt nga Serbia”, deklaroi ajo.
Ajo i ka bërë thirrje Bashkimit Evropian që ta dënojë presidentin serb, Aleksandar Vuçiq, për, siç ka thënë ajo, shkeljen e Marrëveshjeve të Brukselit.
“Veprime të tilla janë shkelje flagrante e Marrëveshjeve të Brukselit, të cilat edhe kanë paraparë që një numër i policëve serbë të jenë të komuniteteve, pra të jenë serbë, varësisht nga kompozicioni i komunave. Unë pres nga BE-ja që të ndërmarrë masa ndaj Serbisë dhe Vuçiqit për shkelje të marrëveshjes së Brukselit”, ka thënë mes tjerash Osmani. /Teve1.info/
