Presidentja e Kosovës, Vjosa Osmani ka ngushëlluar familjarët e të at Antonio Belushit për vdekjen e tij.
Osmani tha se ndarja e tij është humbje e madhe për familjen, miqtë dhe kishën arbëreshe.
“Me dhimbje të thellë mora lajmin për kalimin në amshim të at Antonio Belushit, veprimtarit të paepur të çështjes shqiptare, i cili përveç se kultivoi me pasion gjuhën arbëreshe, nga vitet ‘90, bashkë me Presidentin Rugova e veprimtarë të tjerë, e mbrojti të drejtën e shqiptarëve për liri. Ndarja e tij nga jeta është humbje e madhe për familjen e miqtë, kishën arbëreshe, institucionet e popullin arbëresh të Kalabrisë e gjithë Italisë së Jugut”, shkroi Osmani.
Derisa, presidentja tha se kur ia akordova shtetësinë e Kosovës, sipas saj, Belushi ishte i stërlumtur pasi që iu plotësua dëshira e tij.
“Si Presidente e vendit, kur ia akordova shtetësinë e Kosovës, ishte i stërlumtur, sepse e iu plotësua dëshira e tij jetësore”, tha Osmani./teve1.info/
