Presidentja e vendit, Vjosa Osmani po qëndron në Turqi, prej ku ka thënë se pret takime produktive për të diskutuar mbi domosdoshmërinë e avancimit të diplomacisë.
Osmani gjithashtu, ka postuar fotografi me presidentin e Turqisë, Recep Tayyip Erdoğan, me ftesë të cilit edhe po merr pjesë në Forumin e Diplomacisë në Antalia.
“Me ftesë të Presidentit të Turqisë, Recep Tayyip Erdoğan i jam bashkuar udhëheqësve të tjerë nga e gjithë bota në edicionin e këtij viti të Forumit të Diplomacisë në Antalia . Pres me padurim takime produktive, si dhe për të diskutuar mbi domosdoshmërinë e avancimit të diplomacisë”, ka shkruar ajo në platformën “X”.
Kujtojmë që përveç saj, atje po qëndrojnë edhe ministrja e Punëve të Jashtme, Donika Gërvalla e kryetari i PDK-së Memli Krasniqi.
Upon the invitation of the President of Türkiye, @RTErdogan, I have joined fellow leaders from across the world at this year’s edition of @AntalyaDF.
I look forward to productive meetings, as well as to discuss the necessity of advancing diplomacy. pic.twitter.com/KXjA5ntqie
— Vjosa Osmani (@VjosaOsmaniPRKS) March 1, 2024
