Në selinë e Bashkësisë Islame të Kosovës për vizitë ishte edhe presidentja e vendit, Vjosa Osmani.
Ajo uroi festën e Fitër Bajramit për të gjithë besimtarët myslimanë, teksa uroi që besimtarëve t’i është pranuar agjërimi.
“Është nder i veçantë që nga Bashkësia Islame t’i urojmë të gjithë qytetarët me fat Bajramin me shpresën që lutjet e tyre gjatë muajit të shenjtë të janë pranuar dhe me urimin nga thellësia e zemrës për shëndet begati për secilën familje në secilën shtëpi”, theksoi Osmani.
Presidentja shpreson që fryma e solidaritetit të vazhdojë gjatë tërë vitit.
“Shpresoj që kjo festë por edhe i gjithë muaji i shenjtë i Ramazanit të jenë inspirim për secilin qytetarë që kjo frymë e solidaritetit të vazhdojë gjatë tërë vitit”, uroi Osmani.
