Presidentja e vendit, Vjosa Osmani në edicionin e dytë të Forumit për Gratë Paqen dhe Sigurinë para të pranishmëve ka vënë në fokus konfliktet aktuale globale të cilat sipas saj e vënë në gjendje kritike agjendën e këtij forumi.
Ajo është zotuar për rimendim të sigurisë, për t’i dhënë prioritet parandalimit dhe për t’i mbrojtur të drejtat dhe mirëqenien e grave.
“Në një kohë kur konfliktet globale vazhdojnë dhe dalin kërcënime të reja agjenda për gruan, paqen dhe sigurinë është më kritike se kurrë. Nuk është vetëm një kornizë e politikave e projektuar me mençuri por është një zotim i yni ndaj rimendimit të sigurisë, për t’i dhënë prioritet parandalimit dhe për t’i mbrojtur të drejtat dhe mirëqenien e grave në çdo hap”, është shprehur ajo.
Osmani megjithatë ka thënë se agjenda për gruan paqen dhe sigurinë është në vet thelbi të vizionit të përbashkët për një botë paqësore dhe prosperiuese.
“Agjenda për gruan paqen dhe sigurinë është në vet thelb të vizionit tonë të përbashkët për një botë paqësore dhe prosperiuese. E shoh si një fanar të shpresës dhe udhërrëfyes në rrugëtimin tonë duke kërkuar një botë ku çdo grua dhe vajzë të jetojë pa frikë duke përcaktuar vet rrugën që dëshiron të marr. Siç thonë ne të gjithë i kemi ato momente të paharrueshme, takime transformative, biseda frymëzuese që mund të na cytnin për të ndjekur rrugë të caktuara”, ka shtuar ajo.
Edicioni i dytë i Forumit për Gratë, Paqen dhe Sigurinë, nën organizimin e presidentes së Kosovës, Vjosa Osmani, ka nisur të mbahet sot dhe nesër në Prishtinë. /teve1.info/
