Në këtë mënyrë, shefja e shteti, u prit në Llap.
Krejt kjo, në ditët e fundit të mandatit si e para e vendit.
E nga analistët politik, këto dalja në terren, po shihet si nisje e fushatës nga Osmani.
“Ajo në vazhdimësi e ka treguar pasionin e saj për tu marrë me politikë dhe gjithsesi edhe këto angazhimet me qytetar sidomos tani në situatën aktuale i shoh në vazhdën e interesit të saj për të qene pjesë e angazhimit të drejtpërdrejtë politikë për rrjedhojë janë disa isharete të një procesit zgjedhor që na pret këtë vit”, ka thënë Maloku.
Por, a mundet një president të nis para-fushatë, para përfundimit të mandatit?
“Presidentja e vendit ka mandat që të kontaktoj qytetarët pa dallim dhe kjo nuk është ilegjitime e as ilegale. Por në qoftë se konotacionet e bisedës së fundit për shembull atje në Besjanë mund të tingëllojnë si indikacione të një para-fushatë por sido qoftë mendoj që është në kuadër të intonacioneve veprimeve që subjektet politike eksponentët e tyre i bëjnë në ciklet zgjedhore pra para-fushatë”, u shpreh Baraliu.
Profesori universitar, Mazllum Baraliu, thotë se një kthim në politikë, e ka paralajmëruar vet Osmani.
“Fundi i fundit presidentja e ka paralajmëruar edhe me herë se në qoftë se nuk e duan partitë politike që të ja vazhdojnë edhe një mandat ajo do të vazhdojë aktivitetin e saj politik në forma të tjera duke shërbyer në dobi dhe në interes madhor te Republikës së Kosovës dhe qytetarëve të saj. Pra shenja indikacione, që ajo do të merret por në çfarë formë, vet në ndonjë shoqate politike, parti politike apo duke u bashkuar në ndonjë parti politike meqë kemi pak kohë nëse shkojmë në zgjedhje ajo varet nga rrethanat”, u shpreh tutje Baraliu.
Ndryshe, Vjosa Osmani me 4 prill e përfundon mandatin e saj pesëvjeçar si presidente e vendit.
