Osmani pas takimit me të dërguarin e posaçëm për Ballkanin Perëndimor të SHBA-së, Gabriel Escobar, tha se gjatë takimit ka shprehur nevojën për të ecur përpara në procesin e dialogut me Serbinë.
“Kosova është konstruktive dhe gjithnjë ka qenë konstruktive në këtë proces dhe është e gatshme ta rris edhe më shumë angazhimin në mënyrë që të intensifikohet procesi i dialogut. Po ashtu i shpreha pakënaqësitë për moszbatimin e marrëveshjeve nga ana Serbisë duke përfshirë shpërbërjen e strukturave ilegale në veri të Kosovës të cilët po i frikësojnë qytetarët e serb atje”, tha Osmani
Osmani tha se Serbia vazhdon t’i mbështes financiarisht dhe politikisht strukturat ilegale në veri të Kosovës.
“SHBA nuk ka aleat më të madh se sa shteti dhe populli i Kosovës, ne jemi një vend i vogël por duke punuar për së afërmi me partnerët tanë amerikan do të mund të arrijmë shumë. Vizita e Escobar sot ka kontribuar në këtë drejtim për paqe dhe stabilitet afatgjatë në vendin tonë. Ne mezi presion që të vazhdojmë këtë bashkëpunim të afër sepse vetëm ky bashkëpunim mund t’i garantoj Kosovës suksese të mëtejme”, tha Osmani.
Ajo tha se mbështetja e SHBA-së dëshmohet sa herë Escobar e viziton Kosovën dhe shtoi se e njëjta është rikonfirmuar edhe me presidentin Biden dhe sekretarin Blinken.
