Presidentja e Kosovës, Vjosa Osmani ka përkujtuar heroin Ismet Rraci në 23-vjetorin e vrasjes së tij.
Osmani ka thënë se Rraci ishte patriot, aktivist i shquar dhe kryetar i komunës së Klinës, i cili dha kontribut të çmuar për lirinë, shtetndërtimin dhe jetën institucionale.
“Ai shquhej për guximin dhe atdhedashurinë, por rrugëtimin e tij e ndërprenë në mënyrë mizore më 23 prill 2001, kur pabesisht e vranë, rrugës së tij për në punë. Heroi ynë meriton drejtësinë, ndaj vendosja e drejtësisë mbetet domosdoshmëri”, thuhet në postimin e presidencës në Facebook./teve1.info/
