Presidentja e vendit, Vjosa Osmani ka rikujtuar ndarjen e Medaljen Presidenciale Ushtarake për Forcat e Armatosura të Finlandës, në shenjë mirënjohjeje për kontributin dhe angazhimin tyre e palodhur në mbështetje të Kosovës, që nga viti 1999, si pjesë e misionit të KFOR-it.
Osmani përmes një postimi në “Facebook” shkroi se theksoi rëndësinë e rolit të paqeruajtësve finlandezë, duke i quajtur ata “heronj të paqes, që veprojnë edhe atëherë kur është më e vështirë.
“Dje, në Pallatin Presidencial në Helsinki, kisha nderin ta ndajë Medaljen Presidenciale Ushtarake për Forcat e Armatosura të Finlandës, në shenjë mirënjohjeje për kontributin dhe angazhimin tyre e palodhur në mbështetje të Kosovës, që nga viti 1999, si pjesë e misionit të KFOR-it. Paqeruajtësit janë heronjtë që bëjnë të mundur paqen, edhe kur është e vështirë. Faleminderit Finlandës dhe çdo ushtari finlandez për rolin e tyre të pazëvendësueshëm në ruajtjen e paqes dhe stabilitetit!”,ka shkruar Osmani.
Ajo shprehu falënderimin dhe mirënjohjen e popullit të Kosovës për çdo ushtar finlandez që ka shërbyer në vendin tonë, duke kontribuar në ruajtjen e paqes dhe stabilitetit.
