“Dua ta falënderoj Bashkimin Evropian për mbështetjen e vazhdueshme ndaj Republikës së Kosovës për investimet e fuqishme në fuqizimin e demokracisë, fuqizimin e shoqërisë civile, fuqizimin e sundimit tëligjit për investimet në fushën e infrastrukturës në të gjitha aspektet ekonomike por edhe të jetës së përditshme”, tha ajo.
Osmani theksoi se mos përmbushja e premtimeve në raport me rajonin, sipas saj e teston besueshmërinë e BE-së, shkruan teve1.info
“Mos përmbushja e premtimeve në raport me rajonin tonë e teston edhe besueshmërinë e Bashkimit Evropian, duke lënë nganjëherë edhe hapësirë për ndikim të jashtëm”, deklaroi Osmani.
Sipas saj, ka ardhur koha që Kosova dhe BE-ja të ngrisin marrëdhëniet në nivel më të lartë.
“Ka ardhur koha që t’i ngrisim marrëdhëniet tona ndërmjet vendit tonë dhe institucioneve evropiane në një nivel më të lartë, prandaj e mirëpres vizitën tuaj, zoti president si një hap i rëndësishëm në drejtim të duhur”, ka thënë Osmani.
Osmani tutje theksoi se Kosova gjendet përball një situate të re në Evropë, duke thënë se Kosova ka nevojë për angazhim të më tutjeshëm për të arritur objektivin e përbashkët për një Evropë të bashkuar.
“Siq e dini sot ne jemi përball një situate të re në Evropë me dinamika dhe prioritete të reja politike, përderisa jemi plotësisht të përkushtuar për synimet tona për kontinentin, kemi nevojë për angazhim të mëtejshëm se si të arrijmë objektivin tonë të përbashkët për një Evropë të bashkuar të lirë dhe në paqe”, deklaroi Osmani.
Presidentja më tej tha se Kosova ka nevojë që BE-ja urgjent të bëjë të qartë përspektivën evropiane të gjithë rajonit e në veçanti të Republikës së Kosovës.
“Dua të ju siguroj se populli dhe shteti i Kosovës do të mbetet stoik në refuzimin e ndikimeve ruse dhe ndikimeve të tjera të rrezikshme, por kemi po ashtu nevojë urgjente që edhe BE-ja ta bëjë të qartë edhe njëherë përspektivën evropiane të gjithërajonit tonë e në veçanti të Republikës sonë”, tha presidentja Osmani./teve1.info
