Osmani në një konferencë për medie nga qyteti i Pejës ka thënë se që nga koha kur e ka marrë mandatin është në komunikim të vazhdueshëm me institucione t sigurisë duke theksuar se numri i incidenteve ndëretnike në Kosovë ka rënë në 0.03 përqind.
Ajo është shprehur se pas deklaratës së shefit të zyrës së BE-së, Tomas Szunyog përsëri ka kontaktuar me institucione e sigurisë nga të cilat thotë se e ka marrë konfirmimin se nuk ka rritje të incidenteve ndëretnike në Kosovë
“Përgjatë këtij viti të parë të mandatit tim unë jam vazhdimisht në komunikim me institucionet e sigurisë së Kosovës të cilat na informojnë rreth asaj që ndodhë por edhe për numrin e incidenteve ndëretnike .Ashtu siç kam raportuar me informata të sakta në Këshillin e Sigurimit të kombeve të bashkuara numri i incidenteve ndëretnike në Kosovë ka rënë në 0.03 përqind dhe pas deklaratës të zotit Szynyog përsëri kam kontaktuar me institucionet e sigurisë dhe më kanë konfirmuar se nuk rritje të incidenteve ndëretnike”, ka thënë ajo.
Tutje Presidentja ka theksuar se është me rëndësi që askush të mos ngutet që të bëjë kualifikime të cilat nuk janë të konfirmuara nga institucione t e sigurisë sepse kjo sipas saj e dëmton imazhin e shtetit të Kosovës.
“Do të punojmë me komunitetet që jetojnë në Kosovë, me përfaqësuesit e tyre, me partnerët tanë ndërkombëtar në mënyrë që eliminohen në tërësi incidentet e tilla por është me rëndësi që askush të mos ngutet që të bëjë kualifikime të cilat nuk janë të konfirmuara fare nga institucione t e sigurisë sepse kjo e dëmton edhe imazhin e shtetit tonë por edhe dëmton përpjekjet tona për një Kosovë ku të gjithë qytetarët ndihen të barabartë dhe të siguritë por edhe me të drejta të barabarta ashtu siç e parasheh kushtetuta e Kosovës”, është shprehur Osmani.
Ndërkaq Shefin i Zyrës BE-së në Kosovë, Tomas Szunyo dje ka vizituar qytetin e Vushtrrisë. Ai me këtë rast ka shkruar në Twiter se incidentet ndëretnike në Vushtrri kanë qenë të rralla pos që sipas tij, nga periudha pas pandemisë ato janë intensifikuar./Teve1.info/
While in Vushtrri/Vučitrn, together w/Mayor Idrizi, I visited Gojbulja/Gojbulë village to talk to the local Kosovo Serb population.
Inter-ethnic incidents were rare in Vushtrri/Vučitrn until the pandemic, but have since intensified&must be addressed.
The🇪🇺stands 4 equal rights! pic.twitter.com/XDPKnZYNeU— Ambassador Tomáš Szunyog (@EUAmbKS) May 31, 2022
