Presidentja e Kosovës, Vjosa Osmani në kuadër të vizitës së saj në Malajzi të shtunën ka marrë pjesë në drekë zyrtare të organizuar nga kryeministri i këtij vendi për nder të Kosovës.
Osmani nëpërmjet një postimi në Facebook ka falenderuar Malajzinë për siç është shprehur mikpritjen e jashtëzakonshme.
Sipas saj elementet e pasura të kulturës malajziane nga produktet tradicionale e deri tek vallet plot ngjyra të ndërthurura mjeshtërisht me tingujt e muzikës së bukur shqipe, e kanë bërë këtë drekë zyrtare edhe më të veçantë.
“Një mikpritje e jashtëzakonshme nga Kryeministri Anëar Ibrahim gjatë drekës zyrtare në kompleksin qeveritar Seri Perdana në Putrajaya. Elementet e pasura të kulturës malajziane nga produktet tradicionale e deri tek vallet plot ngjyra të ndërthurura mjeshtërisht me tingujt e muzikës së bukur shqipe, e bënë këtë drekë zyrtare edhe më të veçantë. Faleminderit Malajzi”, ka shkruar ajo./teve1.info/
