Osmani sot vizitën e saj po e nis në Komunën e Gjilanit.
Ajo gjatë rrugës për në Gjilan ka thënë se është mëse e domosdoshme që të ulen me kryetarët e komunave e të falsin për sfidat që ballafaqohen ata.
“Ka një kohë që i kemi planifikuar vizitat tona nëpër komuna të ndryshme. Tani është mëse e domosdoshme që të ulemi me kryetarët e komunave që të flasim për sfidat që ballafaqohen ata dhe të shohim si mund t’i tejkalojmë ato bashkërisht. Kemi filluar me komunën e Gjilanit që udhëhiqet nga kryetari më i ri në moshë për të parë se çfarë punë po bëhen dhe çfarë punë mund të bëjmë bashkërisht tash e tutje pastaj do të vazhdojmë me përurimin e punimeve në një shkollë në mënyrë që të kenë qasje të gjithë nxënësit me nevoja të veçanta. Ky përurim do të bëhet me UNICEF-i. Pastaj do të vazhdojmë me vizita në disa OJQ po ashtu edhe në biznese. Pas bizneseve do të jemi mysafirë në një familje dëshmori ku do ta kryejmë iftarin së bashku. Do të jetë një ditë me takime të rëndësishme”, është shprehur Osmani përmes video-mesazhit të postuar në Facebook. /teve1.info/
