Presidentja e Kosovës, Vjosa Osmani, e cila po merr pjesë në edicionin e sivjetmë të Forumit Evropian, ‘Alpbach 2023’, ka treguar se ka pasur një diskutim me të rinj nga e gjithë bota.
Ajo tha se më ta ka biseduar për rrugën e Kosovës drejt lirisë dhe pavarësisë.
“Një diskutim i gjallë dhe tërheqës këtë mëngjes me të rinj nga e gjithë bota në EFA2023. Biseduam për rrugën e Kosovës drejt lirisë dhe pavarësisë dhe përpjekjet tona sot si një demokraci e lulëzuar e përkushtuar ndaj integrimeve euroatlantike”, ka shkruar Osmani në rrjetin social “X”.
