Presidenca e Kosovës, ka njoftuar se në takimin e zhvilluar sot mes presidentes së Kosovës, Vjosa Osmani dhe të dërguarit të posaçëm të Gjermanisë, Manuel Sarrazin, është diskutuar për zhvillimet e fundit politike dhe sigurie në vend dhe në rajon.
Në takim është diskutuar edhe për Procesin e Berlinit, për marrëveshjet e të cilit presidentja ka ritheksuar mbështetje të plotë.
“Presidentja, po ashtu, potencoi mirënjohjen për kontributin e ushtarëve gjermanë dhe ka vlerësuar lartë përkushtimin e Gjermanisë në drejtim të garantimit të paqes dhe sigurisë, gjë që është dëshmuar edhe me katërfishimin e trupave gjermane, pas aktit të agresionit të Serbisë në shtatorin e vitit të kaluar”, thuhet në njoftimin e Presidencës.
