Presidentja e Kosovës, Vjosa Osmani, ka njoftuar se në takimin me presidentin e Senatit dhe Kongresit të Kolumbisë, Efraín Cepeda, kanë diskutuar për rëndësinë e paqes, për bashkëpunimin ndërparlamentar, si dhe për fuqizimin ndërkombëtar të Kosovës.
Nëpërmjet një postimi në rrjetin social Facebook, presidentja Osmani ka shprehur falënderimin e saj ndaj Cepedas për mikpritjen, mbështetjen dhe bisedën.
“Gjatë vizitës në Kolumbi, u mirëprita në Senatin e Kolumbisë nga Presidenti i Senatit dhe Kongresit, z. Efraín Cepeda, si dhe nga zëvendës Presidenti e kryetarë të Komisioneve. Diskutuam për rëndësinë e paqes dhe promovimin e vlerave që na përbashkojnë, për bashkëpunimin ndërparlamentar dhe fuqizimin ndërkombëtar të Kosovës. Falënderuese për mikpritjen, mbështetjen dhe bisedën e përzemërt”, ka shkruar ajo./teve1.info/
