Presidentja e Kosovës, Vjosa Osmani, tha se synimi i politikës së jashtme të Kosovës mbetet anëtarësimi në BE dhe NATO, raporton teve1.info
Sipas saj, qëllimet e Kosova janë të qarta sa i përket bërjes pjesë të institucioneve të rëndësishme ndërkombëtare.
Osmani tha se është i rëndësishëm bashkëpunimi në të gjitha fushat për të pasur paqe e siguri në rajon e më gjerë.
Në hapjen e edicionit të nëntë të Shkollës Pranverore Diplomatike, organizuara nga Akademia Diplomatike, presidentja Osmani tha se diplomacia ekonomike ka një rol shumë të rëndësishëm në zhvillimin e vendit, ndonëse pohon se Kosova si vend i vogël ka më shumë sfida.
“Kjo shkollë është mundësi për kontribut. E ardhmja në diplomaci është detyrë me përgjegjësi. Diplomatët kanë rol të rëndësishëm në ruajtjen e marrëdhënieve. Kemi shumë diplomatë në mbarë botën që po bëjnë punën e tyre. Ne kemi bërë përparim në politikën e jashtme. Anëtarësimin në organizuar ndërkombëtare në BE dhe NATO mbeten synime tona të përbashkëta. Zgjidhja në dialogun me Serbinë, është sigurimi për paqe në rajon dhe më gjerë. Diplomacia ekonomike mbetet prioritet. Vente e vogla si Kosova e kanë më të vështirë, prandaj është shumë i rëndësishëm partneriteti sidomos në diplomacinë ekonomike”, tha ajo.
Kurse zëvendësdrejtori i Akademisë Diplomatike të Kosovës, ambasadori Beqir Ismaili, tha se diplomatët e rijnë përveç tjerash duhet që të jenë të përgatitur edhe në aspektin ekonomik në mënyrë që të kontribuojnë në forcimin e ekonomisë vendëse, sjelljen e investimeve të reja dhe krijimin e vendeve të punës.
“Në këtë aktivitet marrin pjesë mbi 40 shtet të botës. Pranimi i diplomatëve të ri është misioni kryesor i Shkollës. Shkolla i përgatitë diplomatët për një mjedis të gjerë. Diplomatët duhet të jenë të aftë për të bashkëvepruar edhe veprimet ekonomike. Diplomacia ekonomike është mjet për të forcuar ekonominë. Diplomatët duhet të jenë të përgjegjës për të promovuar të mirta e vendlindjes, për të hapur rrugë për investime të reja e të forcuar bashkëpunimin rajonal e më gjerë. Ekonomia globale është çdo ditë më e zhvilluar, asnjë popull nuk mund të fuqizohet i izoluar prandaj edhe duhet bashkëpunim. Përfitimet janë të shumëfishtë të krijohen vende të punës të përmirësohet standardit i jetës etj”, ka thënë ai.
René Schlee, nga Fondacioni Friedrich Ebert, u shpreh i kënaqur që për disa vjet me radhë po e organizojnë këtë shkollë bashkë me Akademinë Diplomatike.
Sipas tij, ndonëse është bërë përparim ende duhet punë e angazhim i përbashkët në zhvillimin e diplomacisë, sidomos asaj ekonomike.
