Presidentja e Kosovës, Vjosa Osmani ka thënë se meriton trajtim të barabartë në procesin e dialogut dhe rrugën drejt anëtarësimit në BE.
Ajo pas takimit të parë në Kosovë me emisarin e BE-së për dialog, Peter Sorensen, ka thënë se Kosova është dëshmuar si palë konstruktive në dialog dhe e angazhuar për paqe, demokraci e sundim të ligjit.
“Kosova meriton trajtim të barabartë në procesin e dialogut dhe në rrugën drejt BE-së. Në takim me Përfaqësuesin e Posaçëm të BE-së, Peter Sørensen, diskutuam dialogun Kosovë-Serbi të lehtësuar nga BE-ja, sigurinë në rajon dhe integrimin evropian të Kosovës. Kosova është dëshmuar tashmë si pala konstruktive në dialog, e angazhuar për paqe, demokraci e sundim të ligjit, prandaj mbajtja e masave të padrejta të BE-së ndaj vendit tonë po i dëmton jo vetëm qytetarët tanë por edhe balansin e nevojshëm në dialog”, ka shkruar Osmani.
Sorensen gjatë vizitës në Kosovë është takaur edhe me kryeministrin Albin Kurti dhe zëvendëskryeministrin e parë për Integrim dhe dialog, Besnik Bislimi.
