Presidentja e Kosovës, Vjosa Osmani të mërkurën në Departamentin amerikan të Shtetit ka takuar Ndihmës Sekretarin e Shtetit në detyrë, Brendan Hanrahan
Osmani ka bërë të ditur se në takim ka ritheksuar përkushtimin për thellimin e partneritetit strategjik midis Kosovës dhe Shteteve të Bashkuara.
“Kosova është e gatshme ta avancojë bashkëpunimin me SHBA-të në fusha kyçe si mbrojtja, ekonomia, si dhe investimet strategjike me interes të ndërsjellë. Qëndrojmë krah për krah me SHBA-të në vlera, në vizion dhe në veprim”, ka shkruar ajo në Facebook.
